كاميليا و عبير ومقلب كبير وفتنه و جرسه سببها السرير دى خيبه قوية ووكسه و رزيه لجرجس و حنا و عبد البصير و حافظ سلامة .. قصادة عمامه مظاهرة فى مسجد و سكة ندامه كنيسة بتولع .. و موقف خطيــر
وقالوا مضاده وقالوا فلول وعملوا مجالس بتوجد حلول ووردى اللى فتح فى كل الجناين بيطرح حرايق و أم الخلول ومليون مظاهرة فى كل المداين ديابه بتعوى و من غير عقول
و ثورة يناير قلبناها غنوة وحبة برامج و كام كلمه حلوه ودولة شعارها أطبطب و أدلع وكل أما نفرح بتخبطنا بلوه
عدوك يا مصرى هناك ع الحدود بيبنى ما بينك.. و بينك .. سدود بيضحك و يرقص و احنا بغبانا بنصرخ و نبكى و نلطم خدود
يا عالم كفايه و فوقوا حرااااام و ابنوا بلدكم بحب ووئام محمد و عيسى شعارهم محبه ولو ما انتبهنا .. علينا السلام