هشتكنا وبشتكنا يا ريس
ده انت رئيس حقيقي كويس
الناس مبسوطه ومرتاحه
وبتعيا وبتموت بالراحه
هشتكنا وبشتكنا يا ريس
يابو علاء وعرفت تربي
ابنك خربها عمال بيعبي
معوناتهم واصلالك كاش
طب ليه احنا مابنشوفهاش
هشتكنا وبشتكنا يا ريس
احتفالات اكتوبر جايه
يابو اول طلعه وهميه
علي سينا واللي فيها
ده البانجو و الجنس ماليها
هشتكنا وبشتكنا يا ريس
في القمه العربيه الجايه
خلي راسك مرفوعه شويه
واطلبلنا كيلو لحمة راس
ننتخبك وبكل حماس
هشتكنا وبشتكنا يا ريس
بالروح بالدم أهو كله كلام
اوعي تصدق شعبك افلام
بنحبك يا زعيم الامه
نيمنا رضعنا بذمه
هشتكنا وبشتكنا يا ريس
مصر كانت بلد الامان
والسجن ده كله امتهان
والكهربا والضرب كمان
يا جماعه قالوهالنا زمان
هشتكنا وبشتكنا يا ريس